Petronorrek beste bi Sendagorta beka banatu ditu Ingeniari Eskolako ikasleen artean
Ekimen honen bitartez, Petronorrek ingeniaritzako ikasleen nazioarteko prestakuntza aurreratua babestu nahi du energia, berrikuntza eta digitalizazioaren esparruetan.
Nuria Iñigo eta Jorge Gutierrez dira beka hauei esker atzerrian titulazio bikoitza lortzeko aukera izango duten bi ikasleak. Kasu honetan, bigarren ikasketak Illinoisen (AEB) eta Cincinnatin (AEB) egingo dituzte, hurrenez hurren; lehengoak sistemen inguruko ikaskuntza eta sistemen sorkuntzari buruz, eta bigarrenak sistema autonomoei eta robotikari buruz.
Charles Pinto Bilboko Ingeniaritza Eskolako zuzendariak eskerrak eman dizkie ongietorriko hitzaldian Petronorri eta Senerri prestakuntza etengabe babesteagatik, eta ikasleak zoriondu ditu orain arteko lorpenengatik eta nazioartean izango duten etorkizunagatik.
Harekin batera, Roberto Velasco Petronorreko kontseilariak parte hartu du, honen esanetan, “industriaren eta fabrikazioaren etorkizuna gazte hauen eskuetan dago, eta horren kariaz, Petronorrek aurrerapauso bat eman du aparteko eta paregabeko prestakuntzak eskaintzen dituzten ekimen hauekin. Funtsezkoa da ingeniarien belaunaldi berrientzat trantsizio energetikoa eta digitalizazioa ardatz dituzten aukera mota hauek eskaintzea”.
Azkenik, Andres Sendagorta Sener taldeko presidenteak amaiera eman dio ekitaldiari. Sendagorta familiaren eta Senerren izenean, eskerrak eman dizkie bekadunei prestakuntza akademiko bikainagatik, eta egungo gizartea hobetzeko pentsamolde eta amorru sendoarekin bizitzera animatu ditu.
