Luns, 11/11/2024
O centro de Afaga Alzheimer en Tui acolleu hoxe a entidades do sector da intervención social da área transfronteiriza Galicia-Norte de Portugal co propósito de definir un marco que posibilite prolongar a súa colaboración. Esta acción enmárcase no proxecto LongSocial cuxo esforzo se centra non só en facer máis accesible o coñecemento especializado sobre lonxevidade, sobre todo en áreas rurais, senón tamén en contribuír á mellora da sustentabilidade dos modelos de intervención imperantes na área.
O Centro Interparoquial e Social do Alto Mouro (CISAM), a Santa Casa dá Misericordia de Portugal, a Sociedade Galega de Xerontoloxía e Xeriatría (SGXX) e a propia Asociación de Familiares de Enfermos de Alzheimer e outras Demencias de Galicia (Afaga Alzheimer) conforman o participado deste proxecto, cofinanciado pola Unión Europea a través do Programa Interreg VIN-A España-Portugal (POCTEP) 2021-2027. A sociedade civil en xeral e este equipo de traballo en particular teñen moito que achegar para a definición de propostas con impacto na operativa diaria da intervención social, dada a súa experiencia e proximidade á realidade das necesidades dos maiores dependentes.
