— Os consumidores da UE aforrarán ata 530 millóns de euros ao ano de enerxía cos novos límites aos modos de espera dos electrodomésticos.
— A aplicación do regulamento comezou o 9 de maio, con certos límites que se introducirán en dúas fases ao longo dos próximos catro anos.
Bruxelas, 16 de maio de 2025. O 9 de maio de 2025 entraron en vigor as novas normas da UE que limitan o consumo de enerxía dos aparellos eléctricos en modo de espera, apagado e modo de espera conectado á rede.
Estas novas, adoptadas en abril de 2023, modifican a Directiva Europea sobre Deseño Ecológico (Ecodesign Directive) e establecen límites actualizados para os produtos eléctricos en modo “standby”.
As modificacións teñen en conta os avances tecnolóxicos dos últimos anos e amplían os límites a produtos que usan fontes de alimentación externas de baixo voltaxe, como os ‘router’ Wi-Fi e os altofalantes sen fíos. Por primeira vez, os límites tamén se aplican a mobles e elementos de construción motorizados (por exemplo, escritorios, persianas e cortinas motorizadas), xa que este tipo de produtos véndense cada vez máis na UE.
Aforro enerxético
Agárdase que as medidas aforren 4 TWh anuais de electricidade para 2030 —casi o dobre do consumo anual de Malta e suficiente para alimentar máis de 1 millón de coches eléctricos— e eviten 1,4 millóns de toneladas de emisións de CO₂. Os consumidores tamén se beneficiarán de facturas máis baixas, cun aforro estimado de 530 millóns de euros ao ano para 2030.
As novas normas tamén requiren que a información detallada sobre o consumo en modo de espera estea dispoñible, permitindo que os consumidores poidan tomar decisións de compra informadas. A aplicación do regulamento comezou o 9 de maio, con certos límites que se introducirán en dúas fases ao longo dos próximos catro anos.
Contexto
Desde 2008, a UE establece requisitos mínimos de eficiencia para reducir o consumo eléctrico dos aparellos en modo apagado ou «standby». En 2013, ampliáronse para incluír dispositivos conectados á rede, afectando a centos de millóns de produtos vendidos anualmente.
En abril de 2023, aprobouse unha nova revisión que introduce límites máis estritos a partir do 9 de maio de 2025, aplicables só aos novos produtos que saian ao mercado a partir desa data.
Ademais, elimínase o regulamento sobre descodificadores sinxelos, xa obsoleto polo avance do mercado.
Máis información: Comisión Europea
